Me skreddarsyr turar på bestilling for våre kundar.
M/S Gå På har serverings- og skjenkeløyve og me legg til rette turen etter dykkar ynskje om kva dykk vil ete og drikke og kvar turen går
.
Båten har blitt brukt til firmaturar, bryllaup, åremålsdagar, sightseeing,
fisketurar o.l.
Sesong er mai-september.
Ver tidleg ute for å sikre deg ledig båt.
For booking send mail til: oyvind@bygdatunet.no
M/S GÅ PÅ er ein veteranbåt som blei bygget og levert frå Kjørve båtbyggeri i 1938.
Jomfruturen gjekk frå Haugesund til Aberdeen i Skottland og lasta var sild i tønner. Vidare seilte den lasta med reker og hummar til Frankrike.
Einskilde år var den oppe i 53 turar, og kvar tur tok 66 timar frå land i Norge til land i Frankrike.
Under den andre verdskrigen gjekk den i fraktefart langs Norskekysten.
I etterkrigstida fram til 1948 gjekk den i Østersjøen,
og fra 1948 blei den satt inn på fast frakterute mellom Bergen og Oslo.
I 1951 blei båten kjøpt av to brødre frå Espevær, Trygve og Truls Eiken. Dei gjorde lasting og lossing om til fiske, og drog mellom anna i Nordishavet, Lofoten og i Nordsjøen på fiske.
På 1970 talet blei det søkt om kondemnering av båten, noko som blei innvilga, og dermed var alt klart for å senke M/S Gå På til havets bunn.
Då kom Eidesvik & Co inn i biletet, fekk omgjort kondemneringa og kjøpte båten.
Siden den gong har det blitt gjort fleire oppgraderingar og investeringar for å kunne behalde dette flotte skipet. I 2014 var M/S Gå På ferdig etter ein omfattande renoveringsprosess og rusta opp for fleire oppdrag og mange gode seilande år vidare.
